მოწამენი: ისააკი, აპოლოსი და კოდრატე

მოიხსენიება 21 აპრილს (ახალი სტილით: 4 მაისს)
ღირსი ისააკი, აპოლოსი, კოდრატე ( 303) წარმართები იყვნენ და იმპერატორ დიოკლეტიანეს (284-305) კარზე მსახურობდნენ. ისინი დაესწრნენ წმიდა გიორგის (ხს. 23 აპრილს და 10 ნოემბერს) წამებას, იხილეს დიდმოწამის სარწმუნოება, თავდადება, უფლის ძალით აღსრულებული სასწაულები და ირწმუნეს ჭეშმარიტი ღმერთი. საჯაროდ აღიარეს თავიანთი სარწმუნოება და ამხილეს იმპერატორი უშჯულოებასა და სისასტიკეში, რისთვისაც მათ სასიკვდილო განაჩენი გამოუტანეს: წმიდა კოდრატეს თავი მოჰკვეთეს, მოწამენი აპოლოსი და ისააკი კი შიმშილით მოაკვდინეს.