ლოცვა მოუკლებლივ იმას კი არ ნიშნავს, რომ ყოველთვის ვიკითხოთ ფსალმუნები და ლოცვები. ეს შეუძლებელია, რადგან ყველა ქრისტიანს ესაჭიროება იმ საქმეთა აღსრულება, რისთვისაც მოწოდებულია. ასევე დაქანცულ სხეულსაც სჭირდება დასვენება და გამოძინება. მოუკლებლივ ლოცვა ნიშნავს, რომ ხშირად ყოველი საქმის წამოწყების წინ ჩვენი გონება და გული მივაპყროთ უფალს და შევთხოვოთ მოწყალება, შეწევნა, მეოხება.